感覺到....你既存在....

感覺到....你既....

感覺到,,,,你在乎,,,,

真係感覺到,,,,,,

<邁阿密的承諾>

大家一齊努力...工作....

So hard + tired!!!

<親愛的暑假...再見了>

給自己精心安排的一連36日暑假終於完滿結束!

在這些日子裡....我....

送走了太麻....我去了曼谷4天....我晒了多次太陽....我唱了兩之K....我飲了酒,,,,我攪了camp...我跟許多久違了的朋友吃了飯....我夜一夜都不願睡....我晏一晏都不願起....我放縱...我懶惰...

但我很開心!

多謝各位

2008年的暑假, 我會掛念妳....

<好大舊雲...好藍既天...仲有好猛既太陽....>

泰國返黎既第二日...同ivan去左大浪灣....約左4-5年都未去到既海灘...今日終於去到,,,哈哈

10點佢就到左我屋企! 原來佢唔識路lol~ 好在最近跟dad & mom去過幾次...我仲記得條路點行! 11點就到喇~

本來我都係諗住晒下太陽唔落水既, 驚整親隻眼ma...但係隻魔鬼係咁引誘我落水~ 見到d水咁靚又涼浸浸....最後, 我地決定租張好大既浮床, 就係咁浮出海lu,...

就因為我無諗住會落水, 我都無帶防水既太陽油...而ivan又得一個4度咁多多既黑鬼油~ 都無辦法la~

我又發現原來我個身好黑,,,但係對腳仲係好白雪雪~ 於是我一滴油都無搽落對腳,,..就咁乾煎!!!!

浮床上...望住個又藍又大既天...完全唔敢相信自己竟然可以0係度游水...唔經唔覺游到3點...大家都肚餓....沖完涼就走lu...

之後落左筲箕灣東大街食我最愛既,...切腩片頭撈粗+凍檸樂+鮮油奶多...yummy!!!

食飽飽...ivan行錯路..最後落左旺角....咁岩joe打黎...佢又0係mk~ 於是我就問不如改今日睇戲得唔得~ 佢話好呀, 岩岩無野做! perfect!!!

"功夫熊貓"...好笑wo! 不過可能太好笑...唔覺唔覺咁就做左個幾鐘!

頭先我成4點幾先食野...睇完戲之後都唔肚餓...但係佢肚肚地,,,我地去左峰壽司食~ 我食左4件已經無胃口!!!

返到屋企....成身散晒! 不過好耐無將一日既節目排得咁密岩岩好!!!!

what a wonderful day!!!!

p.s...我對腳晒到紅卜卜傷晒!!!! 好似著左隱形褲咁呀而家!